::: Bakı’nı tərk edən quşlar :::

səndən xəbər gətirdilər

bir də tənha bir insandan

ağlamısan söylədilər, dedim yalan

inanmadım, boz küçələr addımlarsızmı qalıbdır?

dözməmişdi onlar belə bu gecəyə

Bakını tərk edən quşlar

*

qanadı qırıq, baxışı qartal baxışından iti

sanki görmək istəyirdi təbiəti

sanki bezmişdi damlardan, heykəllərdən

zibil dolu sahillərdən

Bakını tərk edən quşlar

*

dönmək belə istəmirdi

nə keçmişə, nə insana

görmək istəmirdi heç bir insan üzü

təkcə xatırladı bizi

qanad çaldı, mavi səmayla qovuşdu

Bakını tərk edən quşlar

*

bu gün fərqli bir gün idi

Bakı küləksiz

və təmiz

tək, tənha qalmışdı Bakı

küləklə xəyanət etmişdi Bakıya

Bakını tərk edən quşlar..

::: xatirələr, nəğmə, yağış, gözlər, dəniz.. :::

divarlarla danışıram, səndən gözəl xatirələr
divar danışır susuram, hey ağlayır pəncərələr
ikimizdən söhbət düşdü, danışdım ilk görüşlərdən
ürəyin bərk döyüntüsü, utancaq ilk öpüşlərdən
xatirələr, xatirələr..

ocaq yanır, danışıqlar, qəlbi ovsunlayan baxış
biz əl-ələ tutuşuruq, sevgimiz toxuyur naxış
biz susmuşuq, sükut çöküb, səs-küylü, qışqırıq, küçə
insanlar da susur daha, ulduzlarla dolur gecə
həzin nəğmə, yağan yağış..

sözlər yan-yana düzülür, nəğməyə dönür səsimiz
heç kim yoxdur, heç nə yoxdur, bizim dünya və ikimiz
yanan ocaq sönür daha, düşür yavaşca qaranlıq
sevən qəlbimiz nur saçır, küçə səssiz və toranlıq
baxan gözlər, tənha dəniz..

qulaq asılası bir mahnı…

::: baxma! :::

Ürəyinin səsini sən dinləmə,

İstəmirəm mənə heç nə eyləmə,

Mənə bir daha “sevirəm”  söyləmə,

Gedirəm arxamca dönüb baxma, yar!

*********************************

Sevdiyini sanmışam, aldanmışam,

Yaşadığım günlərçün utanmışam,

Sevgi ünvanında tək dayanmışam,

Gedirəm arxamca dönüb baxma, yar!

*********************************

Ürəyim sənin qəlbində yaşadı,

Deyirdilər ürəyiniz qoşadı,

Bax ürəyin ürəyimi boşadı,

Gedirəm arxamca dönüb baxma, yar!

*********************************

Etdiklərin qəbahətdi deyirəm,

Daha bəsdi, kifayətdi deyirəm,

Xəyanətdi, xəyanətdi deyirəm,

Gedirəm arxamca dönüb baxma, yar!

*********************************

Qəlbim alovlanıb yanır, alışır,

Göz yaşlarım al qanlara qarışır,

Ürək səni unutmağa çalışır,

Gedirəm arxamca dönüb baxma, yar!

*********************************

Məni sən sevmişdin təkcə, dünya yox,

Dərdliyəm dərdimə şəfa-dəva yox,

Bircə kərə sevirəm, bir daha yox,

Gedirəm arxamca dönüb baxma, yar!

*********************************

Kədər ürəyimi ovcuna aldı,

Yaşadığım sanki dərin xəyaldı,

İşıqlı günlərım birdən qaraldı,

Gedirəm arxamca dönüb baxma, yar!

*********************************

Göy üzü qara buluda büründü,

Qəlbim sənin arxanca hey süründü,

Mənə də ayrılıq yolu göründü,

Gedirəm arxamca dönüb baxma, yar!

*********************************

P.S: Bu şeiri 2010-cu ilin əvvəllərində yazmışam.

qulaq asmanız məsləhətdi…

::: şeir yazmaq istəyirəm :::

şeir yazmaq istəyirəm, mən püskürən vulkanlardan

 

biraz uzaq gəzməliyəm çox öskürən insanlardan

 

şeir yazmaq istəyirəm aldadılmış duyğulardan

 

şeir yazmaq istəyirəm cavabsız qalan sorğulardan

 

daha neçə-neçə mövzulardan yazmaq istəyirəm

 

məndən zəif olanlara bir neçə kəs uduzmaq istəyirəm

 

bezmişəm qalib olmaqdan nə qədər qalibiyyət?

 

10 barmağımın hərəsində bir başqa cür qabiliyyət

 

şeir yazmaq istəyirəm mövzusu olsun “i love you”

 

mənə please salfetka ver, amma ki olsun quru

 

batıbdı şeir yazdığım vərəqin sol tərəfi

 

kiminçün satılır evi, maşını, işi, şərəfi

 

şeir yazmaq istəyirəm üzdə patriot olanlardan

 

şeir yazmaq istəyirəm ağac kimi görsənib ot olanlardan

 

şeir yazmaq istəyirəm, amma bilmirəm nədən yazım

 

bəlkə yasdan, mərsiyyədən, həm də cənazədən yazım

 

şeir yazmaq istəyirəm sevgidən, eşqdən, məhəbbətdən

 

şeir yazmaq istəyirəm yalandan, aldatmaqdan, xəyanətdən

 

nifrətden yazmaq istəyirəm, insanların maskalı üzlərindən

 

doğrunu gizlətməkçün eynək taxan, linzalı gözlərindən

 

daha bəsdir, kifayətdir bu qədər misralar yetər

 

mənim növbəti sətirlərim gözlərinizdən itər..

 

 

qulaq asın…

 

::: sevirik :::

 

 

 

 

gözlərinə baxışlarımın toxunuşu

 

ürəyinə sevgimin girişi

 

qanadlandırır bizi mavi səmaya

 

yanaqlarımıza öpüşün qonuşu

bizi səmadan da yüksəyə ucaldır

təkrar hislər təkrar sevgilər

cavan yaşda ruhumuzu qocaldır

ayağımın altına sərilmiş 2 qürur

biri sənin biri mənim

içimdəki 2 nəfərlik mənzil

biri sənin biri mənim

gəl sənlə xəyanətə xəyanət edək

necə ki bizə paxıllığı tutur

yanmış ehtirasımızın küllərini sovuraq dünyaya

qarşımda otur

əllərinlə dəyişdir simamı

bir daxil olaq eyni röyaya

röyada qucaqla məni

əl-ələ tutub var güclə qışqıraq

SEVİRİK

payızda ağacdan düşən yarpaqları sayaq

bir-birimizi qucaqlayaraq

bir daha qışqıraq

SEVİRİK

 

P.S: Bu səfər istədim qafiyədən istifadə etmiyim, yəni heç kim səhv tutmağa çalışmasın ki, qafiyə yoxdu. Bu heç şeir deyil..

 

qulaq asın..

 

::: nə tez :::

 

 

 

 

 

bu gün tamam oldu 2 ilimiz,

ayrılığa nə tez öyrəşmisən sən?..

bir daha açmadı solan gülümüz,

ayrılığa nə tez öyrəşmisən sən?..

 

vurduğun yaralar qəlbimi dəlir,

ayrıldığımızı bax hər kəs bilir,

üzün gülür, həm də ürəyin gülür,

ayrılığa nə tez öyrəşmisən sən?..

 

itirmək istəməzdim heç vaxt səni,

sevməyəcəm daha kimi-kimsəni,

yaşayırsan heç nə olmamış kimi,

ayrılığa nə tez öyrəşmisən sən?..

 

ağlama demək olarmı heç gözə?

kimlər oyun oynadı görən bizə?,,,

qayıdışın olardı bir möcüzə,

ayrılığa nə tez öyrəşmisən sən?..

 

dərdimi danışıram qaranlığa,

ağlımdan çıxmırsan heç bir anlığa,

mən dözə bilmirəm bu ayrılığa,

ayrılığa nə tez öyrəşmisən sən?..

 

 

qulaq asın…

 

::: sən mənimsən :::

 

 

 

mən binayam, pəncərəmsən,
mən bir çayam, sən dərəmsən,

mən Əsliyəm, sən Kərəmsən,

mən bir evəm, sən bacamsan,
mən bir səsəm, sən sədamsan,
mən damaram, sən qanımsan,
mən bədənəm, sen canımsan,
mən ağacam, yarpağımsan,
mən çinaram, budağımsan,
mən öləcəm, cəlladımsan,
mən bir quşam, qanadımsan,
mən çiçəyəm, ləçəyimsən,
mən insanam, mələyimsən,

mən ürəyəm, damarımsan,
mən fikirəm, qərarımsan,
mən şeirəm, sən hecamsan,

mən aşağı, sən ucamsan,

mən ünvanam, sən küçəmsən,

mən bir işıq, sən gecəmsən,

mən buludam, yağışımsan,

mən bir gözəm, sən yaşımsan,

mən müəlliməm, tələbəmsən,
mən oyunam, qələbəmsən,
bircə onu bilirəm ki,
SƏN MƏNİMSƏN……….

 

 

qulaq asın…

 

 

::: 2 il :::

 

səni istər gecəm mənim,

 
xatırlar hər zaman səni,

 
niyə unutmusan məni?

 
yəqin asandı unutmaq,

 
məni qəlbindən soyutmaq,

 
necə dözər sənsiz ürək?

 
sənsizliyin acısıyla,

 
döyünəcək səssiz ürək,

 
əsər külək,

 
gələr mələk,

 
axan göz yaşları silər,

 
mənim beynimin içində,

 
olan yaddaşları silər,

 
gülər,

 
gedər,

 
birazca təsəlli edər,

 
o da gedər,

 
yenə qalaram mən yalnız,

 
sənsiz olaram mən yalnız,

 
birtəhər dözərəm buna,

 
sevgimiz çatıbdır sona,

 
inanmıram sən dönəsən,

 
qayıdasan ürəyimə,

 
xəyalıma, diləyimə,

 
sevirəm kəlməsin yenə,

 
eşitmərəm birdə səndən,

 
bəlkə eşidəcəm hərdən,

 
amma ki başqalarından,

 
üşüyürəm sənsiz indi,

 
dərdim ondu, yüzdü, mindi,

 
bunu bil qəlbim sənindi,

 
əbədi olaraq sənin,

 
əlimə dəyməyir əlin,

 
simanı görməyəcəm mən,

 
qəlbinə girməyəcəm mən,

 
qəlbin bağlıdır üzümə,

 
deyilən hər bir sözümə,

 
deyirəm mən öz özümə,

 
görəsən yenə sevəcək?

 
boş boş xəyallar qururam,

 
yaşasam da bu həyatda,

 
elə bil, sanki ölmüşəm,

 
tək təsəllim olacaq ki,

 
mən 2 il sevilmişəm…

 

 

 

 

P.S: Bu şeiri 14 iyun 2010-cu il saat 23:43-də yazmışam…

 

 

 

qulaq asın….

 

 

::: son kəs :::

 

 

 

 

son kəs ağlayıram bu gün,

etdiyin xəyanətinə,

inandım məhəbbətinə,

sən demə yanılmışam mən,

dərin-dərin xəyallara dalmışam mən,

qalmışam mən ürəyində?

yox məncə,

neçə gecə gözləmişəm mən yolunu,

neçə gecə, neçə gecə,

indi bilməyirəm necə,

görə bilim o simanı,

sevgimizin hər bir anı,

çıxmayacaq yaddaşımdan,

soruşuram göz yaşımdan,

niyə məni atdı getdi?

cavab vermir, susur, dinmir,

keçmişim geriyə dönmür,

sönmür sevgimi yandıran alov, atəş,

götürübdür ürəyimi girov atəş,

yadına salırmı görən o heç məni?

yox məncə,

badəyə şərab kimi töküb iç məni,

darıxıram, darıxıram,

bilirəm bir daha görməyecəm onu,

göylərə yüksələn məhəbbətin sonu oldu belə,

unudacağam səni mən neçə ilə?

məncə unutmayacağam,

qəlbi ovutmayacağam,

qəlbimin dərinliyində olacaqsan,

toxunulmaz varlıq kimi qalacaqsan,

son göz yaşlarım səninçün axacaqdır,

yaşlı göz hey arxanca baxacaqdır….