::: şeir yazmaq istəyirəm :::

şeir yazmaq istəyirəm, mən püskürən vulkanlardan

 

biraz uzaq gəzməliyəm çox öskürən insanlardan

 

şeir yazmaq istəyirəm aldadılmış duyğulardan

 

şeir yazmaq istəyirəm cavabsız qalan sorğulardan

 

daha neçə-neçə mövzulardan yazmaq istəyirəm

 

məndən zəif olanlara bir neçə kəs uduzmaq istəyirəm

 

bezmişəm qalib olmaqdan nə qədər qalibiyyət?

 

10 barmağımın hərəsində bir başqa cür qabiliyyət

 

şeir yazmaq istəyirəm mövzusu olsun “i love you”

 

mənə please salfetka ver, amma ki olsun quru

 

batıbdı şeir yazdığım vərəqin sol tərəfi

 

kiminçün satılır evi, maşını, işi, şərəfi

 

şeir yazmaq istəyirəm üzdə patriot olanlardan

 

şeir yazmaq istəyirəm ağac kimi görsənib ot olanlardan

 

şeir yazmaq istəyirəm, amma bilmirəm nədən yazım

 

bəlkə yasdan, mərsiyyədən, həm də cənazədən yazım

 

şeir yazmaq istəyirəm sevgidən, eşqdən, məhəbbətdən

 

şeir yazmaq istəyirəm yalandan, aldatmaqdan, xəyanətdən

 

nifrətden yazmaq istəyirəm, insanların maskalı üzlərindən

 

doğrunu gizlətməkçün eynək taxan, linzalı gözlərindən

 

daha bəsdir, kifayətdir bu qədər misralar yetər

 

mənim növbəti sətirlərim gözlərinizdən itər..

 

 

qulaq asın…

 

::: mənəm :::

 

 

 

 

 

 

 

mənəm bahalı maşınların, evlərin sahibi,

 

mənəm bütün oyunların əvəzolunmaz qalibi,

 

hər addımda mənəm, hər alınan nəfəsdə mənəm,

 

ucsuz bucaqsız qalaktika da, dar qəfəs də mənəm,

 

səs də mənəm, oluram ucadan, həm də astadan,

 

bəzi beyinler, bəzi ürəklər ibarətdi taxtadan,

 

fantadan çıxan uduş dəyişdirib həyatını,

 

kimisi itirib sevgilisini, “mələyini”, “həyatını”,

 

əsas odur ki, itirmə biraz düşünə bilən aglını,

 

o ağılla hər kəsin oxuya bilərsən nağılını,

 

hər nağılın qəhrəmanı olmaqdan mən bezmişəm,

 

özünü nəhəng sayan aciz qüvvələri əzmişəm,

 

mən nəymişəm, biraz da tərifliyim haqla özümü,

 

məni tapmasınlar deyə təmizliyirəm izimi,

 

dar ağacınnan özümə doğrayıram qalın odunlar,

 

kibrit əvəzi istifadə olunur bəzi qadınlar,

 

mənəm sənə solmuş, ətirsiz çiçəklər göndərən,

 

mənəm səninçün yetişməmiş, kal meyvələr dərən,

 

mənəm dəyəri bir manat olmayan maşınlar sürən,

 

mənəm qapalı gözlərlə snayperdən uzağı görən,

 

mənəm “mənəm-mənəm” deyən, mənəm özümlə öyünən,

 

mənəm sənin qulağında ayrılıq mahnılarını deyinən,

 

artıq mən deyiləm sənin yanında yad kimi dayanan,

 

mənəm artıq kabus, pis yuxulardan birdəfəlik oyanan….

 

 

qulaq asın…