::: sev bizi, Tanrı! :::

sev bizi, ağlatma Tanrı
duy bizi, unutma Tanrı
sev, qoxla, həyat ver, günəş ver
gəldiyin yerə qayıtma Tanrı
müharibələrdə gizlət
silahları, kin, nifrəti
hər yeri et azad Tanrı
Tanrı həyat, həyat Tanrı?
sənin kimin-kimsən yoxmu? sən də ağlayırsanmı heç?
kədər bilirsənmi nədir?
dadmısanmı heç ölümü?
söylə kimlər qəlbindədir?

mən bilirəm, yad deyil sənə xəyanət
insanlar daddırdı sənə bu duyğunu
ağladınmı sən də o an?
söylə, kiminlə yaşamısan məhəbbət?
gizli-gizli görüşmüsən söylə kimlə?
şeir yazmısanmı söylə
cümlələrin sözsüz qalıbmıdır söylə?!
sən də susma
danış mənlə

üşümüsənmi sən qarlı gecələrdə
Tanrı, yalnız qalmısanmı küçələrdə?
ayaqyalın gəzmisənmi şəhəri sən,
xəstəxanada gözünü açmısanmı səhəri sən?
“imdad, kömək” deyə bağırdınmı Tanrı?
deyəsən suallar çox oldu bu dəfə
sən heç imtahanda olmamısan Tanrı

məni sev, bizi sev, insanları sev
sev!
sev!
sev ey Tanrı!

::: mən səni düşünərkən :::

mən səni düşünərkən
əllərində başqa əl, gözlərində başqa göz
dodağında başqa iz
ürəyin başqa tərəfdə
mən səni düşünərkən
yarpaqlar düşdü budaqlardan
göyqurşağı rənglərindən azad oldu
çiçəklər də soldu
ləçəklər yetim qaldı

mən səni düşünərkən
yarım qalan şeiri tamamladım
sənsə məktub oxuduğunda
mən səssiz ağladım
hiss etdim

mən səni düşünərkən
yağış mənə gəldi
darıxdığını söylədi üzərimizə yağmaq üçün
kədərlə güldü
döndü getdi
mən də getdim

mən səni düşünərkən
dünyaya gəldim
və səni düşünərkən
öldüm..

::: şeir yazmaq istəyirəm :::

şeir yazmaq istəyirəm, mən püskürən vulkanlardan

 

biraz uzaq gəzməliyəm çox öskürən insanlardan

 

şeir yazmaq istəyirəm aldadılmış duyğulardan

 

şeir yazmaq istəyirəm cavabsız qalan sorğulardan

 

daha neçə-neçə mövzulardan yazmaq istəyirəm

 

məndən zəif olanlara bir neçə kəs uduzmaq istəyirəm

 

bezmişəm qalib olmaqdan nə qədər qalibiyyət?

 

10 barmağımın hərəsində bir başqa cür qabiliyyət

 

şeir yazmaq istəyirəm mövzusu olsun “i love you”

 

mənə please salfetka ver, amma ki olsun quru

 

batıbdı şeir yazdığım vərəqin sol tərəfi

 

kiminçün satılır evi, maşını, işi, şərəfi

 

şeir yazmaq istəyirəm üzdə patriot olanlardan

 

şeir yazmaq istəyirəm ağac kimi görsənib ot olanlardan

 

şeir yazmaq istəyirəm, amma bilmirəm nədən yazım

 

bəlkə yasdan, mərsiyyədən, həm də cənazədən yazım

 

şeir yazmaq istəyirəm sevgidən, eşqdən, məhəbbətdən

 

şeir yazmaq istəyirəm yalandan, aldatmaqdan, xəyanətdən

 

nifrətden yazmaq istəyirəm, insanların maskalı üzlərindən

 

doğrunu gizlətməkçün eynək taxan, linzalı gözlərindən

 

daha bəsdir, kifayətdir bu qədər misralar yetər

 

mənim növbəti sətirlərim gözlərinizdən itər..

 

 

qulaq asın…

 

::: sən mənimsən :::

 

 

 

mən binayam, pəncərəmsən,
mən bir çayam, sən dərəmsən,

mən Əsliyəm, sən Kərəmsən,

mən bir evəm, sən bacamsan,
mən bir səsəm, sən sədamsan,
mən damaram, sən qanımsan,
mən bədənəm, sen canımsan,
mən ağacam, yarpağımsan,
mən çinaram, budağımsan,
mən öləcəm, cəlladımsan,
mən bir quşam, qanadımsan,
mən çiçəyəm, ləçəyimsən,
mən insanam, mələyimsən,

mən ürəyəm, damarımsan,
mən fikirəm, qərarımsan,
mən şeirəm, sən hecamsan,

mən aşağı, sən ucamsan,

mən ünvanam, sən küçəmsən,

mən bir işıq, sən gecəmsən,

mən buludam, yağışımsan,

mən bir gözəm, sən yaşımsan,

mən müəlliməm, tələbəmsən,
mən oyunam, qələbəmsən,
bircə onu bilirəm ki,
SƏN MƏNİMSƏN……….

 

 

qulaq asın…

 

 

::: bax :::

 

 

 

 

düz bax qarşına, düz bax görəssən məni,

 

biraz da diqqətlə bax bəlkə də sevəssən məni,

 

girəcəm sənin o pulu düşünən kasad beyninə,

 

başqasına fikir verincə biraz  fikir ver geyiminə,

 

çöp axtarma başqasının gözündə çöp səndədi,

 

ipivi vermə heç kəsə necə ki indi ip səndədi,

 

səndə məndədi oynumuz kim qaçır qabaqda,

 

görəsən niyə oynuyuruq biz bu oyunu qaranlıq otaqda?,,,

 

yataqda bir nəfər o birisi yataq altında,

 

biraz hündürdə dayan yoxsa qalarsan ayaq altında,

 

kök altında qalma kvadrata yüksəlmək pulladı,

 

kimisi köhnə əşyasını kimisi ortaya sözünü tulladı,

 

götürdü yiyəsi sözünü sandı ki bir xəzinədi,

 

sevindi sevincindən opbandı “urrrraaaa” dedi,

 

yalan həyatdı, amma ki rahatdı böylə yaşamaq,

 

səninçün də rahatdımı dinlən, söylə yaşamaq?,,,

 

boşamaq istərəm mənə baxan neçə yanıqlı gozləri,

 

həyat yolunda etdiyim səhvlərim apardı düzləri,

 

dənizləri, çayları, gölləri qurutmaq istərəm,

 

sevginin içində yatan beyinləri oyatmaq istərəm,

 

bilmədim nə mövzusunda yazdım mən bu şeirimi,

 

cəmiyyətçün hələ də görmürəm özümün xeyirini….